Árið 1976 komu saman 3 Tæknifræðingar, þeir Eyþór G. Jónsson, Frosti Bergsson og Gunnar Ingi Gunnarsson til að stofna lítið þróunarfyrirtæki sem skyldi annast sölu og smíði á ýmsum rafeindabúnaði. Nafn var valið SAMEIND hf.

Ári seinna bættist Sigurður Örn Kristjánsson í hópinn.

Fyrsta verkefnið var að hefja sölu á ósamsettum tækjum frá JOSTYKIT.

Fyrsta árið var fyrirtækið til húsa að Tómasarhaga 48 í forstofuherbergi. Ári seinna flutti það að Grettisgötu 46. Árið 1977 hóf Sameind að selja vörur frá Heathkit / Zenith og þar á meðal tölvur H-8 og Z-89 sem notuðu Z-8085 örgjafa. Árið 1980 voru einnig Dragon tölvur og Superboard á boðstólum, einnig mælitæki frá FLUKE. 1983 fékkst umboð fyrir Ericsson System-11 skjái fyrir IBM-34-38 tölvur og 1984 komu fyrstu PC tölvurnar frá Zenith og urðu geysi vinsælar. Árið 1985 stækkaði Sameind svo mikið að að ákveðið var að flytja í Brautarholt 8, en þá höfðu Frosti og Sigurður hætt afskiptum af fyrirtækinu. Árið 1986 og 87 bættust FUJITSU og Diconix prentarar í vöruúrvalið og ferðatölvurnar Z-181 og Z-183 frá Zenith.

Þótt vel hafi gengið varð þetta eitt versta ár í sögu Sameindar vegna hinnar miklu þennslu þar sem laun tvöfölduðust á einu ári og miklu falli í hagkerfinu. Árið 1988 urðu mikil kaflaskipti með tilkomu nýrra hluthafa og samninga við IBM á sölu kassakerfa í verslanir þar sem á ýmsu gekk sem endaði með sameiningu við hluthafa Tæknivals í byrjun árs 1992 og stofnunar Íhlutir ehf. í febrúar 1992 sem ég, Eyþór, og Ólafur Sigurðsson eigum til helminga, en við áttum 25% í Sameind.

Starfsemi Íhluta hófst í Maí 1992 í Ármúla 4 en flutti í Skipholt 7 í Mars 1997 í stærra og betra húsnæði í eigu fyrirtækisins.

Íhlutir starfa á sömu hugmyndum og Sameind gerði í byrjun þ.e.a.s. útvega og hafa á lager þá nauðsynlegustu íhluti sem þarf á markaðinn, bæði til viðhalds, nýsmíði og kennslu.

Á árunum 1980 til 1992 voru tölvurnar alsráðandi en í dag erum við eingöngu með kapla, tengi og tengikort fyrir tölvurnar ásamt öllum verkfærunum, mælitækjunum og íhlutunum sem eru í miklu úrvali. Í dag eru um 16.000 vörunúmer á lager.

Með vinsemd.
Eyþór G. Jónsson, Tæknifræðingur.

‍